Jop ka Umlyngsha bad ka Lakadong Umlatdoh haka 2nd Div ka EJHDFA

Syllad | The Rising MeghalayaSeptember 9, 2024

Ka Umlyngsha Youth SSC bad Lakadong Umlatdoh SCSC kila khur namjop haka lympung ialehkai 2nd Division Football Tournament kaba pyniaid da ka East Jaintia Hills District Football Association (EJHDFA) kaba long ha madan artificial turf ha Diengshynrum haka 9 tarik Nailur.

Ha ka jingialehkai kaba nyngkong ka Umlyngsha Youth SSC kala jop da 2-1 iaka Khliehmyntriang SC.

Ha kane ka jingialehkai ka Khliehmyntriang kala ioh shuwa ban pynkhih iaka jar lyngba u Generous Siangshai (10), hynrei tang hadien katto katne por ka Umlyngsha kala ioh ban pyniakhaid lyngba ka own goal kaba la thep da u Pharki Dkhar (30). Hadien kane ka owngoal ka Umlyngsha kala ioh ban pynban sa shikol lyngba u Eleven Biam (44), kaba dei artad ka kol jop.

Haka jingialehkai kaba bud ka Lakadong Umlatdoh SCSC kala jop da 2-0 iaka Iongkaluh SCSC. Ia kine ki kol jong ka Lakadong Umlatdoh la thep da u John Smill Amkhloo marwei haka minit (24, 73).

Haka 11 tarik Nailur ka jingialehkai kan long hapdeng ka Rymbai Madanpynriang SC bad Moosiang Lamare New YWOSC haka por 12.30 baje mynsngi. Ka Kairang CSC bad Iapmala United SC haka por 2.30 baje nohphai sngi.