Jop ka Umlangshor Mukhla, Mookyrdup haka 3rd bad 2nd Division Football ka WJDSA

Syllad | The Rising MeghalayaAugust 26, 2025

Ka Mookyrdup bad Umlangshor Mukhla kila khur namjop haka jingialehkai football kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka 25 tarik Nailar.

Ka namjop ka Mookyrdup kala wan pyrshah iaka Pasyih Cultural da 2-1 haka jingialehkai 3rd Division Football. Ia kine ki ar kol la thep da u Sambum Dkhar kaba dei ka own goal (20) bad Shiningstar Rymbai (68). Shikol nakaliang ka Pasyih Cultural la thep da u Deivi Rymbai (49).

Shuwa kane ka jingiakhun, ka Pamanik kala iakhaid bad ka Pynthorlangtein khlem don mano mano ba ioh thep kol.

Haba phai sha ka jingialehkai 2nd Division, ka Khliehshnong Ialong kala iakhaid bad ka Lumsliarsliar Mupliang khlem don mano mano ba ioh pynkhih jar.

Ka Umlangchor Mukhla kala pynliem da 2-1 iaka Chilliangraij. Nakaliang ka Umlangchor Mukhla la thep da u Ovenson Symblai (3) bad Niawkor Sari (36) katba iaka shikol ka Chilliangraij la thep da u Sajemiki Shylla 34.