Jop ka Umladkhur haka Super Div ka Amlrem SSA

Syllad | The Rising MeghalayaNovember 8, 2024

Ka Umladkhur Sc kala khur jingjop haka jingialehkai Super Division ba la pyniaid da ka Amlarem Sub Divisional Sports Association (ASSA) ha madan Mini Stadium Ladjaplem, Amlarem haka 7 tarik Naiwieng.

Ka Umladkhur SC kala pynliem da 3-0 iaka Pdengkarong bad ia kine ki kol jong ka Umladkhur la thep da u Baieid thoin Shylla (11), Agustin Buam (33) bad Khamti Lamurong (78).

Katba ka jingialehkai Lower Division ka Iaikyntiew SC kala pynliem da 2-1 iaka FYC Amtapoh, ka Syntong Welfare kala pynliem da 4-2 iaka EYC Amjalong.

Ka jingialehkai hapdeng ka Mawlong SCC bad SCC Samanong kala kut da kaba iakhaid khlem don mano mano ba ioh thep kol.