Jop ka Tuber Shohshrieh, Umrasong bad ka Dkhiah East haka Third Div ka EJHDFA

Syllad | The Rising MeghalayaJuly 1, 2025

Ka Tuber Shohshrieh SSC, Umrasong SCC bad Dkhiah East SC kila khur jingjop haka lympung ialehkai 3rd Division League Stage bala pyniaid da ka East Jaintia Hills District Football Association (EJHDFA) ha madan artificial turf Diengshynrum, Khliehriat haka 1 tarik Naitung.

Haba phai sha ka jingialehkai ka Tuber Shohshrieh SSC kala pynliem iaka Senkhynroo SC Umsalat d 2-1. Iaki kol jong ka Tuber Shohshrieh SSC la thep da u Shainly Shylla (26) bad Kyntulang Shylla (63), katba iaka kol jong ka Sengkhynroo SC Umsatai la thep da u Jiwell Sympli (45).

Haka jingialehkai kaba bud ka Umrasong SCC kala jop da 2-1 pyrshah iaka Evergreen SC Ladwahpung. Iaki kol jong ka Umrasong SCC la thep da u Dapkupar Pongrop (36) bad Wellborn Pongrop (80+1). Katba iaka kol jong ka Evergreen SC Ladwapung la thep da u Tenderly Dkhar (79).

Ha kawei pat ka jingialehkai ka Dkhiah East SC kala pynliem da da 2-1 iaka Shymplong SCSC. Iaki kol jong ka Dkhiah East SC la thep da Teilang Dkhar (10) bad Jef Nongtdu (54), katba ka shikol jong ka Shymplong SCSC la thep da u Dapmon Lapasam (25).

Haka 2 tarik Naitung ka jingialehkai kan long hapdeng ka Umrasiang UTD SC pyrshah iaka Youth SC Pyrtakuna haka por 11.00 baje mynstep, ka Umtyra SC pyrshah iaka R. Pohskur SC haka por 1.00 mynsngi bad ka Moonongtdu SC pyrshah iaka Iongkaluh SCSC haka por 3.00 baje nohphai sngi.