Jop ka TSCD Moosakhia haka Super Div ka ASSA

Syllad | The Rising MeghalayaDecember 12, 2024

Ka TSCD Moosakhia kala khur nam jop haka Upper Division Football Tournament, katba ka Dongwah Thangbuli, Shmiapang Youth Club bad Padu Mawsku kila khur jingjop haka Lower Division Football kaba pyniaid da ka Amlarem Sub Division Sports Association (ASSA).

Baroh ar tylli kine ki kyrdan ialehkai Upper Division bad Lower Division la pynlong ha madan Mini Stadium Ladjaplem haka 12 tarik Nohprah,

Ka TSCD Musakhia kala pynliem da 1-0 iaka Nongtalang Khlachympa. Ia kane ka shikol ka TSCD Moosakhia la thep da u Chanbor Kyndait (60).

Haba phai haka jingialehkai Lower Division, ka Dongwah Thangbuli kala jop da 1-0 pyrshah iaka Sohkha Shnong. Ia kane ka kol la thep da u Eveningstar Pamksang (36).

Haka jingialehkai kaba bud, ka Shmiapang Youth Club kala pynliem iaka Jaraload SC da 1-0 bad ia kane ka kol la thep da u Shan Buam (47).

Ha kawei pat ka jingialehkai ka Padu Mawsku kala jop da 1-0 iaka Mukhim Brother. Ia kane ka kol jop ka Padu Mawsku la thep da u Kitbok Langshiang (8).