Jop ka Thangskai Tiger, rah syndon iaka 4th Kyrmen Shylla Contribution Trophy ka EJHDFA

Syllad | The Rising MeghalayaDecember 19, 2024

Ka Thangskai Tiger kala jop da 1-0 pyrshah iaka Dhana CSC haka jingiakhun final haka kyrdan Super Division- 4th Kyrmen Shylla Contribution Trophy kaba pyniaid da ka East Jaintia Hills District Football Association (EJHDFA).

Ka jingiakhun final kala long haka 19 tarik Nohprah ha madan artificial turf ha Diengshynrum.

Ia kane ka kol jop ka Thangskai Tiger la thep da u Solmon Sympli (69) kaba la neh haduh ba kut ka jingialehkai kaba pynlong ia ka ban rah syndon ia ka nam lahduh.

Kane ka jinglah jong u Solmon ban pynjop iaka Thangskai Tiger kala pynlong ia u ban khur iaka khusnam shimet kaba kynthup iaka Emerging player of the Tournament bad Player of the match.

Ia khusnam Goal of the Tournament la ioh rah da u Sixkiru Lyngdoh jong ka Rymbai Iawpynsing, Player of the Tournament – Harita Suchen (Dhana CSC), Best Goalie of the Tournament – Shainbor Muksor (Thangskai Tiger SC), Best Team (Dhana CSC).

Ha kane ka sngi la pynkup burom ruh iaka National Referee (Level 5) ka Batbitbha Bareh kumjuh ia ki referees kiba pyniaid iaki jingialehkai ka EJHDFA.

U kongsan uba wan sakhi ia kane ka final u dei Myntri sorkar bad MLA Khliehriat u ma Kyrmen Shylla bad ka kong Santa Mary Shylla kum ka symbud kongsan ryngkat ka jingiadonlang u Dy CEM ka JHADC Lasky Rymbai, MDC Finelynes Bareh, Gautam Warjri Additional Deputy Commissioner, East Jaintia Hills nalor kiwei kiwei bad ki nongialam shnong ka thain.