Jop ka Sutnga bad Chiehruphi haka Super Div ka EJHDFA

Syllad | The Rising MeghalayaNovember 29, 2024

Ka Chiehruphi SYWSC bad ka Sutnga SSCC kila khur nam jop haka Super Division Football Tournament kaba pyniaid da ka East Jaintia Hills District Football Association (EJHDFA) ha madan artificial turf kaba don ha Diengshynrum haka 29 tarik Naiwieng.

Ka namjop ka Chiehruphi kala wan pyrshah iaka Rymbai Shkenshynriah da 2-1. Ia kine ki ar kol ka Chiehruphi la thep da Premi Muksor (27) bad u Coming Dkhar (39), na kaliang ka Rymbai Shkenshynriah la thep da u Areas Khan (35).

Katba ka Sutnga SSCC ka la pynliem da 1-0 iaka Dhana CSC. Ia kane ka kol la thep da u Lalremkung Hmar (89).

Haka 30 tarik Naiwieng ka jingialehkai kan long hapdeng ka Thangskai Tiger pyrshah iaka Ladrymbai B SC haka por 11.45 baje mynstep, Khliehriat West YWSC pyrshah iaka Rymbai Iawpynsing SC haka por 2.15 baje nohphai sngi.