Jop ka Suchen Lumiarain, Mynkre iakhaid ka Pamrapaithlu bad ka Teilang haka Third Div Football ka EJHDFA

Syllad | The Rising MeghalayaJuly 9, 2025

Ka Suchen Lumiarain SC bad Mynkre SC kila khur jingjop katba ka Pamrapaithlu SCSC bad Teilang SCSC kila iakhaid haka jingialehkai Third Division Football League kaba pyniaid da ka East Jaintia Hills District Football Association (EJHDFA) ha madan Artificial Turf Diengshynrum, Khliehriat haka 8 tarik Naitung.

Haba phai shaka jingialehkai kaba nyngkong ka Suchen Lumiarain SC kala pynliem iaka Shymplong SCSC da 4-2.

Iaki kol jong ka Suchen Lumiarain SC la thep da u Wanmi lamurong (2), Dame Massar (3) bad Dr Sanky Shangpung (44) bad Join Khaïi (48). Katba iaka Shymplong SCSC la thep da u Fedrik Suchen (39) bad Eleazer ronie Shylla (71).

Haka jingialehkai kaba bud ka jingiakhun kala kut da ka jingiakhaid kaba mar 2-2 hapdeng ka Pamrapaithlu SCSC pyrshah iaka Teilang SCSC Lummyrly.

Iaki kol jong ka Teilang SCSC Lummyrly la thep da u Lukas Syngkor (73) bad Robinson Khonglah 80+1 katba iaki kol jong ka Pamrapaithlu SCSC la thep da u Angnod Rymbai (30) bad Deimiki Shangshai (35).

Ha ka jingialehkai kaba khatduh ka Mynkre SC ka la jop da 3-2 pyrshah iaka Mokhep SCSC. Iaki kol jong ka Mynkre SC la thep da u Dametre Nongtdu (3 & 27) bad Kynmo Dkhar (71), katba iaki kol jong ka Mokhep SCSC la thep da u Naa Lyngdoh (15 & 23).