Jop ka Sohmynting, iakhaid ka Nangbah Iawmusiang bad Sabahmuswang haka 1st Div ka WJDSA

Syllad | The Rising MeghalayaOctober 5, 2024

Ka Sohmynting Sc kala jop da 2-0 iaka Dulong bad ka Nangbah Iawmusiang pyrshah iaka Sabahmuswang kala kut da 2-2 haka sngi ba ar ka jingialehkai 1st Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka 5 tarik Risaw.

Ki ar kol ka Sohmynting la thep da u Chirup Suting (4 & 58) bad kine ki kol kila neh haduh ba kut ka jingialehkai.

Haka jingiakhun kaba bud hapdeng ka Nangbah Iawmusiang pyrshah iaka Sabahmuswang ka jingialehkai kala kylla long kaba iakhaid mar 2-2.

Ha kane ka jingialehkai ka Sabahmuswang kala tam shakhmat haka kyllastep lyngba ka kol kaba la thep u Dameshwa Dkhar (44).

Haba bteng iaka kylla miet tang hadien katto katne por bala iaid ka jingiakhun, ka Nangbah Iawmusiang kala pynphai bad pyntam kylla shikol lyngba u Joplangki Challam (64) bad u Miker Pyrtuh (66).

Ka Sabahmuswang hadien ka jingshah tam kylla kala iakhun tyngeh ban ioh iaka kabu ksiar ban tan kylla iaka jingiakhun sha kaba iakhaid tad haduh ka minit kaba 85 lyngba u Kemich Shylla.