Jop ka Shnongpdeng haka Upper Div, ka Samanong, Mawlong bad ka Syntong haka Lower Div ka ASSA

Syllad | The Rising MeghalayaNovember 15, 2024

Ka Shnongpdeng SC kala khur jingjop haka Upper Division, katba ka Samanong SC, Mawlong SSC bad Syntong Welfare kila khur jingjop haka Lower Division Football Tournament kaba pyniaid da ka Amlarem Sub Divisional Sports Association (ASSA) ha madan Mini Stadium Ladjaplem, Amlarem haka 15 tarik Naiwieng.

Haka jingialehkai jong ka kyrdan Upper Division, ka Shnongpdeng SC kala pynliem iaka Amkoi SC da 1-0 lyngba ka kol ba la thep da u Dame Kongwang (16).

Haka kyrdan Lower Division, ka Samanong SC kala pynliem iaka EYC Amjalong da 3-1.

Iaki kol jong ka Samanong SC la thep da u H. Suting (11), Mirot Bareh (24) bad Jaijop Suting (44), katba ka shikol jong ka EYC Amjalong ka thep da u Jim Reaves Lynthong (17).

Haka jingialehkai kaba bud, ka Mawlong SSC kala pynliem iaka Iai Kyntiew Pamtbuh da 4-0 bad ia kine ki kol jong ka Mawlong SSC la thep da u Synchetmon Lamat (7), Rechard Sungoh (38), Remdor Lamat (53) bad Samuel Lamat (57).

Ha kawei pat ka jingialehkai, ka Syntong Welfare kala pynliem iaka FYSC Amtapoh da 1-0 lyngba ka kol ba la thep da u Kupar Langshiang.

Haka 16 tarik Naiwieng haka Lower Division ka jingialehkai kan long hapdeng ka LM Amsyrwai bad Twah U Sdiah haka por 10.15 baje mynstep, ka Traki Mawngap bad Ryntih Amsohrhong haka por 11.40 baje mynstep, ka Nongbareh Lyntiar bad FB Satpator haka por 1.00 baje nohphai sngi.

Katba haka Super Division ka jingialehkai kan long hapdeng ka YC Pdengkarong bad Amlarem SC haka por 2.30 baje nohphai sngi.