Jop ka Shillong Lajong ïa ka lahduh ka I-League.

Syllad | The Rising MeghalayaJanuary 25, 2019

SHILLONG: Ka Shillong Lajong ka la pynliem noh ïaka lahduh mynshem snem ka Minerva Punjab da 1-0 ha Tau Devi Lal Stadium Chandigarh lyngba ka kol Mahesh Singh ha ka 86 minit.

Ki player ka Lajong kila lah ban ïalehkai da kaba sur kaba itynnad naduh ba sdang ka jingïakhun bad tang hadien  7 minit bala ïaka jingïakhun kala ïoh ïa ka kabu ksiar lyngba u Samuel Lalmuanpuia hynrei um lah satia ban pynkylla ïaka kabuksiar kaba ula ïoh sha ka kol. Ka jingïaishah bad ka jingtrei shitom jong ki player ka Lajong ban ñion ïaka kut ïalehkai ka Minerva wat la ka dei ka jingïakhun shabar nala ïing kala ïoh ban pynkhih ïa ka jar ha ka 84 minit lyngba u Mahesh Singh.

U Kitbok Pale, uba na ka shong Ialong West Jaiñtia Hills District; u la ioh iaka  kaba ksiar kaba paka bha ban thep ïa ka kol hynrei u nongapkol ka Minerva u Nidin Lal ula kyrda ïaka bol.

Ka Minerva ruh ka la ïoh bun tylli ki kabu ksiar hynrei la khanglad ïa kine ki kabu da ka jingtbit jong u nongapkol ka Lajong u Phurba Lachenpa khamtam ïa ka bol kaba la pyndei da ka khlieh jong u Prabhot bad ha ka 64 minit u Phurba u la pyllait biang ia ka Lajong na ka jingpyrshang jong u Moinuddin.

Ka Shillong Lajong kan ialeh pyrshah ia ka Churchill Brother ha la ïing ha u bnai Rymphang 5, 19 ha JN Stadium.