Jop ka Shilliang Umshong, iakhaid ka Iatyllilang bad ka Bataw haka 1st Div ka EJHDFA

Syllad | The Rising MeghalayaOctober 19, 2024

Ka Shilliang Umshong SC kala jop da 1-0 iaka Rymbai Wahshnong SC, katba ka Iatyllilang SC Hingaria kala iakhaid bad ka Bataw YWSC da 1-1 haka jingialehkai 1st Division kaba pyniaid daka East Jaintia Hills District Football Association (EJHDFA) kaba long ha madan Diengshynrum haka 19 tarik u Risaw.

Haba phai sha ka jingialehkai ka namjop ka Shilliang Umshong haka wan haka kylla miet lyngba ka kol kaba la thep da u Lhunminthang Thauthang (71) bad kane ka kol kala neh haduh ba kut ka jingiakhun.

Katba ka jingiakhun kaba bud, ka Bataw kala tam shakhmat haka kylla step tang hadien 10 minit bala iaid ka jingiakhun lyngba ka kol kaba la thep da u Jesper Lamare (10).

Dei haka kylla miet ka Iatyllilang kala wan nadien ban tan kylla iaka jingiakhun sha kaba iakhaid lyngba ka kol kaba la thep da u Deibormi Lamin (72).