Jop ka Seiñbhalang Shkentalang iaka Amlarem, rah syndon iaka Super Division ka ASSA

Syllad | The Rising MeghalayaDecember 19, 2023

Ka Seiñbhalang Shkentalang kala jop da 1-0 iaka Amlarem haka final Super Division kaba pyniaid da ka Amlarem Sub-Divisional Sports Assocition (ASSA) kaba long ha Ladjaplem Mini Stadium, Amlarem haka 19 tarik Nohprah.

Ia kane ka kol jop ka Seinbhalang Shkentalang la thep da U Abul Laskar haka minit kaba 65 ‘ bad kane ka kol kala neh haduh bala wai ka por iakhun kaba la biang pura iaka Seinbhalang Shkentalang ban rah ia ka nam lahduh.

U Myntri ka tnat Sports Bah Shakliar Warjri ula long kum u kongsan haka jingiadonlang u MLA ka Amlarem u Bah Lahkmen Rymbui, DSO West Jaintia Hills Khroobok Passah nalor ki dkhot bad nongkitkam ka ASSA bad kiwei kiwei.

Ka Seinbhalang Shkentalang kum ka lahduh kala rah iaka song pisa kaba 60 hajar tyngka bad ka kynhun kaba wan ba ar ka Amlarem Social Club ka la ioh pdiang iaka song pisa kaba 40 hajar tyngka ryngkat ka Trophy.

Ka khusnam shimet kiba kynthup iaka ‘Best Player’ la iohrah da u Iaidakyrmen Jungai Amlarem SC, ka nam ‘Best Goals Keeper’ la rah da u Wanlambok Tariang Seiñbhalang Shkentalang bad ka nam ‘Top goal scorer’ la rah da u Dongmi Surong Umladkhur SC.