Jop ka Sailung Ialong iaka Khimusniang haka Super Div ka WJDSA

Syllad | The Rising MeghalayaNovember 21, 2023

Ka Sailung Ialong kala jop 4-0 iaka Khimusniang haka Super Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi ba Ar.

Ha kane ka jingialehkai marsien sdang hapoh 15 minit bala iaid ka jingiakhun, ka Sailung Ialong kala ioh pynkhih iaka jar lyngba u Arwan Rymbai 15′. Ka kol kaba ar kaba lai kala wan lyngba u Marsan War 24′, u Saniroi Suchiang 40′ bad kol kaba saw lyngba u George Fredrick Khuid 89′.

Haka 22 tarik ka jingialehkai kan long hapdeng ka Mukhla Raij pyrshah iaka Ladthadlaboh haka por 1:30 Pm.