Jop ka Rympei Pip iaka Friends Utd, rah syndon iaka nam lahduh 40 Above Veteran football ka WJDSA

Syllad | The Rising MeghalayaOctober 7, 2022

Ka Rympei Pip kala jop da 1-0 pyrshah iaka Friends Utd haka jingiakhun final ka 40 Above Veteran Football Tournament kaba pyniaid da ka West Jaintia District Sports Association (WJDSA) kum shibynta ka jingrakhe golden jubilee kaba long haka sngi Thohdieng.

Ka jingiakhun hapdeng kine ki arliang mamla kala long kaba iakhaid haka kylla step khlem don mano mano ba ioh pynkhih iaka jar.

Dei haka kylla miet ka Rympei Pip kaba la nion iaka kut ialehkai ka Friends Utd kala ioh thep shikol lyngba Marshal Kurkalang (42) u bym shym la pynlehnoh ei iaka kabu ksiar kaba ula ioh.

Hadien kane ka jingshah tam da shikol ka Friend Utd kala pyrshang ban iakhun tyngeh., hynrei na kaliang ka Rympei ruh kam shym la ailad bad iakhun dohiap ban iada iaka kut ialehkai. Kane ka shikol kala neh haduh bala wai ka por iakhun kaba la biang pura iaka Rympei ban rah iaka nam lahduh.

Ka nam Man of the Match kala leit sha u Albert Shanpru jong ka Friends United.

Ia ki khusnam la sam da u kongsan u ma Chibor Najiar, Superintending. Engineer PHE Rural Circle Shillong ryngkat bad u Working President ka WJDSA ma EMH Passah nalor kiwei kiwei ki dkhot bad nongialam ka WJDSA.