Jop ka Rymbai Wahshnong, iakhaid ka Skhenshynriah bad ka Sutnga haka Super Division ka EJHDFA

Syllad | The Rising MeghalayaNovember 7, 2023

Ka Rymbai Wahshnong kala jop da 1-0 iaka Rymbai Iawpynsin haka Super Division Football Tournament kaba pyniaid da ka East Jaintia Hills District Football Association (EJHDFA) kaba long ha madan plastic ha Diengshynrum ha ka sngi ba Ar.

Ia kane ka shikol ka Rymbai Wahshnong kala thep lyngba u Arnold Pusein 29’ bad kane ka kol kala neh haduh ba kut ka jingialehkai.

Ha kawei pat ka jingialehkai ka Rymbai Skhenshynriah kala iakhaid bad ka Sutnga SSCC mar 1-1. Ka Rymbai Skhenshynriah kala tam shuwa shakhmat lyngba ka kol kaba la thep u Hikaidame Bareh 24’. Ka Sutnga kala ioh iaka lad ban pynphai kylla ia kane ka kol haka kylla miet lyngba u Ioanis Suchen 61’. Da kane ka jingiakhaid kila hap ban hun ban iasam mar shipoin.

Haka 9 tarik Naiwieng, ka Thangskai Tiger kan ialehkai pyrshah iaka Dhana SC bad ka Khliehriat West YWSC pyrshah iaka Moolamanoh SC