Jop ka Rymbai Shkenshynriah, iakhaid ka Sutnga SSCC bad ka Ladrymbai B haka Super Div ka EJHDFA

Syllad | The Rising MeghalayaNovember 18, 2024

Ka Rymbai Shkenshynriah SC kala jop iaka Rymbai Iawpynsing da 1-0, katba ka Sutnga SSCC bad Ladrymbai B SC kila iakhaid haka jingialehkai Super Division Football Tournament kaba pyniaid da ka East Jaintia Hills District Football Association (EJHDFA) ha madan artificial turf ha Diengshynrum haka 18 tarik Naiwieng.

Ha lyndet ka nam jop ka Rymbai Shkenshynriah SC kala wan lyngba ka kol kaba la thep da u One Enjoy Dkhar (32) bad kane ka kol kala neh haduh ba kut ka jingialehkai.

Haka jingialehkai kaba bud, ka jingiakhun kala kut da ka jingiakhaid kaba mar 2-2 hapdeng ka Sutnga SSCC bad Ladrymbai B SC.

Na kaliang ka Sutnga SSCC la thep da u Laxman Lamare 19 (Own Goal) bad Skhemborlang Rupai (45+2) katba naka Ladrymbai B SC la thep da u Sam Shylla (49) bad Rimetre Lyngdoh (76).

Haka 19 tarik Naiwieng ka jingialehkai kan long hadpeng ka Dhana SC bad Thangskai Tiger SC haka por 11.45 baje mynstep, ka Khliehriat West YWSC bad Chiehruphi SYWSC haka por 2.15 baje nohphai sngi.