Jop ka Rymbai Shkenshynriah bad ka Sutnga haka Super Div ka EJHDFA

Syllad | The Rising MeghalayaNovember 21, 2024

Ka Rymbai Shkenshynriah SC bad Sutnga SSCC kila khur jingjop haka Super Division Football Tournament-4th Kyrmen Shylla Contribution Trophy bala pyniaid da ka East Jaintia Hills District Football Association (EJHDFA) ha madan artificial turf ha Diengshynrum haka 21 tarik Naiwieng.

Haka jingialehkai kaba nyngkong ka Rymbai Shkenshynriah kala pynliem da 2-0 iaka Ladrymbai B SC. Ia kine ki ar kol ka Rymbai Skhenshynriah la thep da u Mardiphon Rymbai (13) bad Iaishah Bareh (61).

Haka jingialehkai kaba bud, ka Sutnga SSCC kala pynliem iaka Rymbai Iawpynsing SC da 3-1. U Lalrem Kung Hmar ula lam lynti iaka Sutnga ban ioh khur ia kane ka nam jop lyngba ki ar kol kiba ula thep haka (24, 52) bad ka kol kaba lai la thep da u Raplangki Lyngdoh (90+5). Shikol ka Rymbai Iawpynsing la thep da u Sixkiru Lyngdoh 90+1.

Haka 22 tarik Naiwieng ka jingialehkai kan long hapdeng ka Dhana SC bad Khliehriat West YWSC haka por 11.45 baje mynstep, ka Chiehruphi bad Thangskai Tiger haka por 2.5 baje nohphai sngi.