Jop ka Rymbai Shkenshynriah 2-1 iaka Sutnga, yn iaknieh rung final pyrshah iaka Thangskai Tiger haka Super Div ka EJHDFA

Syllad | The Rising MeghalayaDecember 10, 2024

Ka Rymbai Shkenshynriah kala jop da 2-1 pyrshah iaka Sutnga SSCC haka eliminator round jong ka Super Division Football Tournament kaba pyniaid da ka East Jaintia Hills District Football Association (EJHDFA) kaba long ha madan artificial turf ha Diengshynrum haka 10 tarik Nohprah.

Haba phai sha ka jingialehkai ka Rymbai Shkenshynriah kala tam shakhmat da 2 kol lyngba ki kol kiba la thep da u Yooluti Dkhar (18) bad u Ribiang Dkhar (69), katba ka Sutnga SSCC kala ioh thep iaka shikol lyngba u Raplangki Lyngdoh kaba mih paw haka dur jong ka penalty.

Wat hadien kane ka penalty ka Rymbai Shkenshynriah kala lah pat ban tehlakam iaka jingiakhun haduh ba kut por iakhun kaba la biang pura iaka ban khur iaka namjop.

Da kane ka namjop kala long pat kaba pynkhreh ban aireng pyrshah iaka Thangskai Tiger kaba shah pynliem haka qualifier-1 haka jingiakhun iaknieh rung sha ka final, kata ka qualifier-2 ka ban long haka 13 tarik Nohprah.

Ka kynhun kaba la buh jaka haka final ka dei ka Dhana kaba la jop iaka qualifier-1.