Jop ka Rymbai Iawpynsing bad ka Sutnga haka Super Div ka EJHDFA

Syllad | The Rising MeghalayaNovember 21, 2023

Ka Sutnga SSCC bad ka Rymbai Iawpynsing SC kila jop haka Super Division Football Tournament kaba pyniaid da ka East Jaintia District Football Association (EJHDFA) kaba long ha madan artificial turf ha Diengshynrum, Khliehriat haka sngi ba Ar.

Ha phai sha ka jingialehkai ka Sutnga SSCC ka la pynliem da 3-1 iaka Dhana SC. Ia kine ki kol la thep da u Sumarbha Bareh haka minit kaba 3, arkol da u Ioanis Suchen haka minit kaba 32 bad 74. Iaka shikol ka Dhana SC la thep da u Pyntip Dkhar haka minit kaba 51.

Ha kawei pat ka jingialehkai Rymbai Iawpynsing SC kala pynliem da 2-1 iaka Thangskai Tiger SC bad kane ka dei ka sien nyngkong iaka ban khur iaka nam jop ha kane ka tournament. Iaki kol na kaliang ka Rymbai Iawpynsing la thep marwei da u Hesmiki Rymbai haka minit kaba 27′, 36′. Shikol ka Thangskai Tiger la thep da u Wendy Nongtdu haka minit kaba 68.

Haka 24 tarik Naiwieng, ka Moolamanoh kan iakhun pyrshah iak Sutnga SSCC haka por 12 baje mynsngi bad ka Thangskai Tiger pyrshah iaka Rymbai Shkenshynriah FC haka por 2 Pm.