Jop ka Rising Star bad ka Chutwakhu haka Open to all T20 Cricket Tournament ka AJCA

Syllad | The Rising MeghalayaFebruary 26, 2022

Ka Rising Star bad ka Chutwakhu kila khur namjop hadien ba kila pynliem iaka Khimusniang bad ka Ummulong haka Open to all T20 Cricket Tournament kaba pyniaid daka All Jaintia Cricket Association (AJCA) kaba long ha madan Jrisalein, Chutwakhu haka sngi Saitjain.

Haba phai sha ka jingiakhun ka Rising Star kaba la jop iaka toss kala ailad shuwa iaka Khimusniang ban bat ha kaba kala kamai 157 run na ki 20 over liem 7 wicket. U Nibiangmon Sutnga ula kamai 47 runs naka 39 ball, katba ki nongkawang ball ka Rising Star D Nongpluh bad P Pantangia kila khur mar 2 wicket

Ka Rising Star haba beh iaka thong kala kynjoh iaka thong haka 19.4 over bad kamai 161 run bad liem 3 wicket. U Kitboklang Rangad ula kamai 51 run naka 35 ball ula ioh ruh iaka Man of the Match bad u Jeffrey Litting ula ioh khur 2 wicket naki 3 over.

Ka Chutwakhu kala jop 47 run iaka Ummulong. Ka Chutwakhu kaba la kam trai shuwa ban bat hadien bala jop iaka toss kala kamai 197 run. u Bhuvnesh Kumar ula kamai 89 runs naki 45 ball. Ki nongkawang ball ka Ummulong kiba kynthup ia u S Lamare bad u P Phawa kila khyrwit mar ar wicket naki 4 over.

Ka Ummulong haba poi ka pali jong ka ban bat kala kamai 150 run na ki 19.4 over bad liem lut baroh 10 wicket.

U S Lamare ula kamai 28 runs naka 13 ball bad na ki nongkawang ball ka Chutwakhu, u D Rangad  ula ioh 3 wicket naki 4 over. Ka khusnam Man of the Match la ioh da u BhuvneshKumar.