Jop ka Phramer CC da 118 run iaka Evergreen Mukhla Mission haka District League ka WJHDCA

Syllad | The Rising MeghalayaApril 2, 2025

Ka Phramer SC kala jop da 118 run pyrshah iaka Evergreen Mukhla Mission haka jingialehkai District Cricket League kaba pyniaid da ka West Jaintia Hills District Cricket Association (WJHDCA) kaba long ha madan ialehkai ka shnong Khliehtyrshi haka 2 tarik Iaiong.

Ka Evergreen Mukhla Mission SC kaba la jop iaka toss kala kam trai shuwa ban bowl. Ka Phramer SC kaba la tied shuwa kala lah ha kaban tied haduh 223 run bad liem 9 wicket na ka 35 over .

Ha ba poi ka pali jong ka Evergreen Mukhla Mission SC ban beh iaka thong kaba 224, kala lah ban kamai tang 105 run ha kaba kala liem baroh 10 wicket na ka 23.5 over. Ha kane ka jingiakhun ki batsman jong ka Evergreen kim shym la lah satia ban seng iaka nongrim kaba biang kaba la pynlong iaki nongtied jong ka ban liem uwei hadien uwei.

U Hamjngai Lyngdoh na ka Phramer SC ula kylla long u namtam bad khur ia ka khusnam man of the Match hadien ba la khyrwit 3 wicket na ki 5 over.

Ka jingialehkai lashai ka sngi 03/04/025 kan long hapdeng ka Lion Sports & Youth Affairs (LSYA) pyrshah ia ka West Jaintia Police CC haka por 9 baje mynstep.