Jop ka PHE DMHO Statistic KNGC iaka Inter Office Badminton & Carrom C’ships ha Jowai

Syllad | The Rising MeghalayaApril 16, 2022

Ka Meghalaya State Government Employees Federation (MSGEF), Jaiñtia Hills Unit haka janmiet sngi Palei kala pynhap pyrda noh ïaka jingïakop ïalehkai kaba tip kum ka “9th U Kiang Nangbah Indoor Games Competition”.

Ïaka jingïakop la wan ban pynhap pyrda da u District Agriculture Officer, West Jaintia Hills District u Ma D. Pyrbot haka jingdonlang u District Sports Officer ka West Jaintia Hills District u Ma Khroobok Passah, u AH & Veterinary Officer, West Jaintia Hills District u Dr. D.I. Kjam.

Hashwa ka jingïakop la pynlong ka jingïalang lyngkot ba la pynïaid da u president ka MSGEF u Ma H. Mohrmen katba u Ma T. Laloo Secretary Indoor MSGEF haba kut ka jingïalang ula ai ki kyntien khublei.

Ïaki jingïakop ïalehkai la pynlong haki ar jaka ha Ground floor DC Office, Jowai kaba la pynlong ïaka jingïakop carrom katba ka jingïakop Badminton la pynlong ha Indoor Sports Hall ka Seiñraij Jowai kaba ha Tpeppale, Jowai.

Haba phai sha ki jingïakop Badminton Men’s Double final u Inar Kyndiah bad Roskil Challam na ka tnat PHE ki la pynliem ïa u Dr. Peterson L. Lamare bad Rimilan Passah kiba ka tnat DM&HO.

Haka jingïakop Men’s Single u Dr. Peterson L. Lamare na ka tnat DM&HO ula pynliem ïa u Da-u-ru Laloo na ka tnat PWD.

Haka jingïakop ialehkai carrom Men’s Double u Satisfyme Dkhar bad u Bashanbor Dkhar na ka KNGC ki la pynliem ïa u Holywell Dhar bad George Hamilton Kungte na ka tnat DIPR.

Haka jingïakop carrom board Men’s Single u Carmel Kharbihkhiew na ka tnat Statistic ula pynliem ïa u Holywell Dhar na ka tnat DIPR.

Hadien ka jingïakop la sam ruh ïaki khusnam sha ki kynhun nongjop baroh.