Jop ka Pasyih bad ka YSW-Pynthorlangtein haka 3rd Division ka WJDSA

Syllad | The Rising MeghalayaSeptember 2, 2025

Ka Pasyih bad ka YSW Pynthorlangtein kila khur namjop haka jingialehkai 3rd Division kaba pyniaid da ka West Jaintia District Sports Association (WJDSA) kaba long ha KIang Nangbah Stadium haka 1 tarik Nailur.

Ka namjop ka Pasyih kala wan pyrshah iaka Pynthorlangtein da 2-1. Ia kine ki ar kol ka Pasyih la thep da u Seiborlang Dkhar (3, 37), katba iaka shikol ka Pynthorlangtein la thep da u Daman ha oo Lipon (1).

Ka YSW-Pynthorlangtein kala pynliem da 2-1 iaka Khliehshnong Ialong. Ia kine ki ar kol la thep da u Jinghun ha o Lipon (57, 65) haka kylla miet. Shikol ka Khliehshnong Ialong la thep da u Manbha War (8).

Kham hashuwa, ka Mookyrdup kala iakhaid bad ka Pammanik. Ha kane ka jingialehkai ym don mano mano ba ioh pynkhih jar.

Haka jingialehkai haka kyrdan 2nd Division, ka Risingsun Mukhla kala iakhaid da 1-1 bad ka Iawmulong Nartiang. Baroh ar tylli kine ki kol kila wan mih paw haka kylla miet ha kaba ka Iawmulong Nartiang kala iohshuwa ban thep lyngba u Rimilanki Synnah (68), bad tang hadien 4 minit u Meuru Suna (72) ka Risingsun Mukhla ula ioh iaka kabu ksiar ban tan kylla iaka jingiakhun sha kaba iakhaid.