Jop ka Para I iaka Kyrchan da 2-1 rah syndon iaka 6 Aside football tournament ka LSAYA

Syllad | The Rising MeghalayaJune 30, 2023

Ka Para-i kala jop da 2-1 iaka Kyrchan Para I bad da kane ka nam mjop kala rah syndon iaka nam lahduh haka 6 Aside Football Tournament kaba pyniaid da ka Lion Sports And Youth Affair (LSAYA) kaba long ha madan biar haka sngi Palei.

Iaki artylli ki kol jong ka Para-I la thep da u Arkini Laloo haka minit kaba 43 bad u Bantei Shylla haka minit kaba 59. Katba ka shikol jong ka Kyrchan Para-I la thep da Dibor Kassar haka minit kaba 39.

U kongsan ba wan sakhi ia kane ka final u dei u MLA Jowai u Wailadmiki Shylla haka jingdonlang u symbud kongsan u SDO PHE (Electrical Division, Jowai) u Roskil Challam, ki nongkitkam ka LSYA, ki riew rangbah ka shnong bad kiwei kiwei.

U Wailadmiki Shylla haba kren kum u kongsan ula kular ban pynioh da ka synthetic Badminton court mat iaka Lion Sports and Youth Affairs na ka MLA Skhim.

Hadien ka jingiakhun la sam iaka khusnam sha ka kynhun lahduh bad kynhun ba ar kumjuh ki khusnam shimet ba kynthup ka nam Best Goalkeeper sha u Damang Rymbai na ka Kyrshan Para-i, ka nam Top Scorer sha u Sanborlang Kharsahnoh bad ka nam Man of the Match la ioh da Arkini Laloo na ka Para-i FC.