Jop ka Padu, Shkenpyrsit, Sankhat haka football ka Amlarem SSA

Syllad | The Rising MeghalayaNovember 5, 2024

Ka Padu United, Shkenpyrsit SC bad Sankhat SC kila khur jingjop haka Lower Division katba ka Jaraiñ C&SC bad Dongmihsngi Mupyut kila iakhaid haka Super Division Football League haka jingialehkai kaba long ha madan Mini Stadium Ladjaplem, Amlarem haka 5 tarik Naiwieng.

Kane lympyng ialehkai football la pyniaid da ka Amlarem Sub-Divisional Sports Association (ASSA).

Haka Lower Division, haka jingialehkai kaba nyngkong, ka Padu United kala pynliem iaka YC Moosakhia da 2-0. Ia kine ki kol jong ka YC Moosakhia la thep da u Wanjop Pohlong haka minit 41 bad 52.

Haka jingialehkai kaba bud, ka Shkenpyrsit SC kala pynliem da 1-0 iaka Nongtalang SC bad ia kane ka kol jong ka Shkenpyrsit SC la thep da u Donbok Sana haka minit kaba 23.

Ha kawei pat ka jingialehkai ka Sankhat SC kala pynliem iaka Amtasam SC da 1-0. Ia kane ka kol la thep da u Kordor Suting haka minit 65.

Haba sha ka jingialehkai Super Division kala kut da kaba iakhaid hapdeng ka Jarian CSC bad Dongmihsngi Mupyut khlem don mano mano ba ioh pynkhih jar.