Jop ka Nongtalang Chnongthmai, Krangpamtadong, Jong u Chen haka Lower Div ka Thangbuli haka Upper Div ka Amlarem SSA

Syllad | The Rising MeghalayaNovember 4, 2024

Ka Nongtalang Chnongthmai, CSC Krangpamtadong bad ka TSC Jong U Chen kila khur namjop haka Lower Division Football Tournament, katba ka Thangbuli YSWC kala jop haka Upper Division Football Tournament.

Ia kine ki ar tylli lympung ialehkai football la pyniaid da ka Amlarem Sub-Divisional Sports Association kaba long haka 4 tarik Naiwieng ha madan mini stadium Lad Japlem, Amlarem.

Haba phai sha ka jingialehkai Lower Division, ka Nongtalang Chnongthmai kala jop da 1-0 iaka Amlari Model. Ia kane ka kol la thep da u Ribales Pohtam (36).

Haka jingialehkai kaba bud, ka CSC Krangpamtadong kala pynliem da 2-1 iaka Iatyllilang Amsalang. U Ritikut Tariang (25) bad Ripaison Langsiang (60) kila thep iaki ar kol ka Krangpamtadong, katba Mall Lyngdoh (30) iaka Iatyllilang Amsalang.

Haka jingialehkai kaba khatduh ka TSC Jong u Chen kala jop da 1- 0 iaka Ammutong Pyrshang. Ia kane kol la thep da u Eborwel Tangsang (22).

Haba phai sha ka Upper Division, ka Thangbuli YSWC kala jop da 2-1 TSCD Moosakhia. U Wanpynbha Buam (30, 45) marwei ula thep ia kine ki ar kol ka Thangbuli, katba u Wanbor Suting (60) ula thep na kaliang ka Moosakhia.