Jop ka Nonglatem Lumsliarsliar Kseh Sylle haka Third Div ka WJDSA

Syllad | The Rising MeghalayaAugust 15, 2024

Ka SCSC Nonglatem, Lumsliarsliar bad ka Kseh Sylle Ialong kila khur iaka namjop haka 3rd Division Football Tournament – 4th Adelbert Laloo Memorial Trophy kaba pyniaid daka West Jaintia District Sports Association (WJDSA) kaba long ha Kiang Nangbah Stadium haka 14 tarik Nailar.

Ka namjop ka SC SC Nonglatem kala wan pyrshah iaka Umchangiar da 3-0. Ia kine ki lai kol la thep da u Pyndaplangki Mulieh (39) bad arkol da u Healthies Lamare (42, 70+3)

Ka Kseh Sylle Ialong kala jop 2-0 iaka Pynthorlangtein. U Wanbait Suchiang (34) bad u Aibormi Phawa (54) kila thep ia kine ki ar kol kaba la biang pura iaka Kseh Sylle ban khur iaka namjop.

Ha kawei ka jingialehkai, ka Lumsliarsliar kala pynliem da 3-0 iaka Lumiongkjam. U Mainderful Ryngkhlem (30, 33) marwei ula thep ar kol bad bynrap shikol da u Bait Dkhar (42).

Ka jingialehkai hapdeng ka ka Mookyrdup pyrshah iaka Moodymmai kala kut da 1-1. Ha kane ka jingialehkai ka Moodymmai kala ioh shuwa ban pynkhih iaka jar lyngba u Enrique Pariat (23). Ka Mookyrdup kala tan kylla iaka jingiakhun sha kaba iakhaid haka kylla miet ha ki minit kiba khatduh lyngba u Dennis Passah (70+2).