Jop ka Nongkhroh Rim haka sngi sdang ka Super Division ka TSA

Syllad | The Rising MeghalayaAugust 6, 2025

Ka Nongkhroh Rim kala jop da 1-0 pyrshah iaka Wahiajer haka sngi sdang jong ka Super Division Football kaba la tip kum – U Kelsiroy Pala Memorial Trophy kaba pyniaid da Thadlaskein Sports Association (TSA) ha madan Wahiajer Multi Sports Complex haka 6 tarik Nailar.

Ia kane ka shikol ka Nongkhroh Rim la thep da u Haman Myrboh (17).

Ha kane ka kynti ki don 10 tylli ki kynhun ba la iashim bynta ha kane ka lympung ialehkai.

U MDC ka Wahiajer Ma Reformimgson Lamare kum u kongsan ula plie paidbah ia kane ka lympung haka jingiadonlang ki nongialam bad dkhot nongkitkam ka TSA kynthup naduh u president Kmen Shylla, General secretary Ma E. Lyngdoh nalor kiwei kiwei.

Haba phai shaka jingialehkai 2nd Division, ka jingialehkai hapdeng ka Lad Mukhla pyrshah iaka Nongkhroh Sohbar kala kut khlem da lah ban pynkhih iaka jar kol.

Haka jingialehkai kaba bud, ka Bamkamar Wah kala jop da 3-1 iaka Hunlang FC Moobakhon.

Iaki kol jong ka Bamkamar Wah la thep da u Iaishah Nongrum (2), Meshanmi Nongrum (69) bad (71). Katba iaka kol jong ka Hunlang FC Moobakhon la thep da u Riyoo Phawa (21).

Ka jingialehkai 2nd Division kan bteng biang haka 7 tarik Nailar hapdeng ka Main Road SC pyrshah iaka Nongdhar Nongthymme haka por 10.00 baje mynstep. Ka Iawthymblein pyrshah iaka Niriang United haka por 12.00 baje mynsngi.

Katba ka jingialehkai Super Division kan long hapdeng ka Lumphyrnai Sohphoh pyrshah iaka Nongkhroh Krem Kum haka por 3.00 baje nohphai sngi.