Jop ka Nongkhroh Krem Kum da 3-0 iaka Mookyndur haka Super Division ka TSA

Syllad | The Rising MeghalayaAugust 28, 2025

Ka Nongkhroh Krem Kum kala pynliem da 3-0 iaka Mookyndur haka jingialehkai Super Division kaba pyniaid da ka Thadlaskein Sports Association (TSA) kaba la long ha madan Wahiajer Multi Sports Complex haka 27 tarik Nailar.

Ia kine ki lai kol ka Nongkhroh Krem Kum kala ioh ban thep lyngba u Anthony Mynsong (10), Tanlangki Kmah (49), Teilang Pyngrope (90+1) kaba la biang pura iaka ban khur iaka namjop.

Haba phai sha ka jingialehkai 2nd Division, haka jingialehkai kaba nyngkong, ka Iawpynsin Wahiajer kala pynliem da 3-2 iaka Mukhla Wahshnong.

Nakaliang ka Iawpynsin Wahiajer ia kine ki lai kol la thep da u Markatjuh Dkhar (23), Iohkmen Mynsong (65), Donbok Iakai (70), katba iaki ar kol ka Mukhla Wahchnong la thep da u Lumlang Nongpluh (30) kaba dei ka own goal bad Rolling Nongrum (48).

Haka jingialehkai kaba bud, ka Namdong-A kala pynliem iaka Iongshiwiat da 6-1. Ia kine ki hynriew kol la thep da u Paitlang Dkhar (21) kaba dei ka own goal, Starwell Sungoh (27, 52), Phien Dkhar (50), Bormi Myria (65, 70), katba shikol ka Iongshiwiat la thep da u Ebormi Suja (3).

Haka 28 tarik Nailar ka jingialehkai 2nd Division kan long hapdeng ka Mainroad Wahiajer pyrshah iaka Iawthymblein haka por 10.00 baje mynstep, ka Niriang United pyrshah Nongdhar Nongthymme haka por 12.00 baje mynsngi, katba haka Super Division ka Mukhla Raij pyrshah iaka Pohskur Phlongingkhaw haka por 3.00 baje nohphai sngi.