Jop ka Nongbareh Lyntiar haka Lower Div, iakhaid kiba bun ki jingialehkai haka football ka ASSA

Syllad | The Rising MeghalayaDecember 3, 2024

Ka Nongbareh Lyntiar kala jop da 1-0 pyrshah iaka Twah U Sdiah haka jingialehkai Lower Division Football ka Amlarem Sub Divisional Sports Association (ASSA) kaba long ha madan Ladjaplem haka 3 tarik Nohprah.

Ia kane ka kol jop ka Nongbareh Lyntiar la thep da u Tendril Lamin (42).

Haba phai sha ka Upper Division, hapdeng ka Lamin XI pyrshah iaka TSCD Moosakhia khlem don mano mano ba ioh pynkhih jar.

Kiwei pat ki jingialehkai haka Lower Division; ka Ryntih Amsohrhong pyrshah iaka LM Amsyrwai kala kut da mar 1-1. Iaka kol jong ka Amsohrhong la thep da u Bani Suting (56) bad na kaliang ka Amsyrwai la thep da u Dimiyos Langshiang (58). Ka FB Sapator kala iakhaid bad ka Traki Mawngap khlem don mano mano ba ioh thep kol.