Jop ka Niaw Wasa, yn iaknieh nam lahduh pyrshah iaka Ladthadlaboh

Syllad | The Rising MeghalayaDecember 9, 2023

Ka Niaw Wasa kala jop da 2-1 iaka Sailung Ialong haka semifinal kaba lai ne qualifier 2 haka Super Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Saitjain.

Da kane ka namjop ka Niaw Wasa kan aireng pyrshah iaka Ladthadlaboh haka jingiaknieh nam lahduh, kaba iaka tarik ba thikna, ka WJDSA kam pat pynbna.

Ia kine ki ar kol jong ka Niaw Wasa la thep da u Niponghi Sumer haka minit kaba 11′ bad u Risanlang Dkhar haka minit kaba 52′. Shikol ka Sailung Ialong la thep da u Soniroy Suchiang haka minit kaba 50.