Jop ka Niaw Wasa iaka Mynthong haka Super Div ka WJDSA

Syllad | The Rising MeghalayaNovember 20, 2023

Ka Niaw Wasa United kala jop da 5-2 iaka Mynthong haka jingialehkai Super Division Football Tournament kaba pyniaid da ka West Jaintia District Sports Association (WJDSA) haka sngi Nyngkong.

Ha kane ka jingilehkai marsien sdang ka Niaw Wasa kala ioh ban pynkhih iaka jar tang hapoh 3′ minit bala iaid ka jingiakhun lyngba u Sucrip Manner. Tang hadien 3 minit ka Mynthong kala ioh ban pyniakhaid biang lyngba u Mo Nuwaz.

Dei hadien kane ka jingiakhaid ka Niaw Wasa kala kyntiew lem iaka rukom ialehkai jong ka bad ban tynjuh bor bah iaka kut ialehkai jong ka Mynthong. Kane ka jingpyrshang jong ka kam shym la lehnohei bad haka minit kaba 35 kala ioh ban pyntam sa shikol lyngba u Dashngain Sukhlain bad ka kylla step kala kut da 2-1

Haba la bteng biang iaka jingialehkai haka kylla miet ka Niaw Wasa kaba la tam shakhmat kala pynban sa lai kol, shikol lyngba u Samehi Ryngki 48′ bad sa mar shikol na u Sucrip 49′ bad u Dashngain 64′.

Ka Mynthong kala ioh ban thep sa shikol lyngba u Md Aruwaz Khan 81′.

Haka 20 tarik Naiwieng ka Khimusniang kan iakhun pyrshah iaka Sailung Ialong haka por 1:30 PM.