Jop ka Newhill, Mookynphad, Madan Thadmuthlong bad Dongnein Mookswan haka Third Div ka WJDSA

Syllad | The Rising MeghalayaJuly 30, 2024

Ka Newhill, Mookynphad Mihmyntdu, Madan Thadmuthlong bad ka Dongnein Mookswan kila khur jingjop haka jingialehkai Third Division Football Tournament kaba pyniaid da ka West Jaintia District Sports Association (WJDSA) kaba long haka 30 tarik Naitung.

Haba phai sha ka jingialehkai, ka Newhill kala pynliem da 3-0 iaka Moodymmai. U Samson Swer marwei ula lam lynti iaka Newhill ban khur iaka namjop lyngba ka hattrick ka jong u hadien ba ula thep lai kol (9, 30, 51).

Haka jingiakhun kaba bud ka Madan Thadmuthlong kala pynliem da 3-1 iaka FAM. Na kaliang ka Madan Thadmuthlong la the pia kine ki lai kol da u Pyniaid Tang (1), u Precious Tang (55) bad u Womhasa Suchiang (70). Iaka shikol ka FAM la thep da u Yoohimi oo tre Patweth (30).

Ha ka jingiakhun kaba lai, ka Mookymphad Mihmyntdu kala jop da 4-0 iaka Lumiongkajam. U Becousemi Shylla ula khyrwit da ka hattrick lyngba ki kol kiba ula thep (13, 16, 44) bad sa shikol lyngba u Dapyrkhat Suchiang (69).

Haka jingialehkai kaba khatduh jong ka sngi, ka Dongnein Mookaswan kala pynliem iaka Umchangiar 2-0. I kine ki kol la thep da u Lastborn Phawa (13) bad Ksaid Shylla (67.