Jop ka Nangkiew Irat 2-1 iaka Sawmer Sc haka Shillong Premier League

Syllad | The Rising MeghalayaMarch 19, 2024

Ki artylli ki kol ba la thep da u Shaibor Nongrum ka la biang pura ia ka kynhun ialehkai jong ka Nangkiew Irat SC ka la lah ba kan pynliem noh ia ka Sawmer SC da 2-1, ha ka jingialehkai kaba ar jong ka lympung ialehkai Shillong Premier League 2023, kaba la long ha madan jong ka SSA Stadium, First Ground, Polo haka 19 tarik Lber.

Ka jingiakhun kam da lah ba kan pynshoh iapbiej ia ki khmat u paidbah ba la wan ban peitkai, hadien ba ki rang ialehkai na ki ar kynhun, kim shym la lah shisha ban pynpaw ia katta ka sap ne ka jingtbit ka rukom ialehkai ka jong ki.

Haba phai sha ka kylla step, ka jingiakhun hi ka la kut noh shwa ha kaba khlem shim ba don satia ba lah ban ioh pynkhih ia ka jar.

Haba wan ban bteng ia ka kylla  miet, ba kala don pat ka jingbthah kaba janai bha na ki coach jong baroh ar kynhun, kaba pynlong ia ki rang ialehkai ba kin kham kyntiew ia la ka rukom ialehkai ka jong ki.

Ia ka kol kaba nyngkong la thep  da ka Nangkiew Irat lyngba u Shaibor ha kaminit kaba 62, ia kaba ym slem hadien kane, ka Sawmer SC ka la iakhun tyyngeh bad ha ka minit kaba 71, u Diego Khriam u la ioh ia ka kabu ban pynphai kylla noh ia kane ka shi kol, pynban satang kumba kato katne minit ba ka jingiakhun kan khreh ban jam noh sha kaba kut ba u Shaibor haka 83 minit u la ioh ia ka kabu kaba paka ban thep opat iaka kol kaba ar naka bynta ka Nangkiew Irat kaba pynlong syndon ia ka ban khur ia ka lai poin bad ka jingjop.