Jop ka Nangbah SA 2-0 iaka Dongmihsngi SC haka 2nd Div ka WJDSA

Syllad | The Rising MeghalayaJuly 2, 2022

Ka Nangbah Sports Association kala jop da 2-0 kol pyrshah iaka Dongmihsngi haka 2nd Division Football Tournament- ka 5th Debo Shullai Memorial Trophy kaba pyniaid da ka West Jaintia District Sports Association (WJDSA ha Kiang Nangbah haka sngi Saitjain.

Ha kane ka jingiakhun ka Nangbah kala thep baroh ar tylli ki kol haka kylla step. Shi kol kala thep tang hapoh 5 minit bala iaid ka jingiakhun kaba la wan lyngba u Meyoo Susngi (5). Ka kol kaba ar la thep da u Bantei Iongwai (30).

Ka Dongmihsngi kala pyrshang ban thaw ki lad ki lynti ban ioh thep kol, hynrei tad haduh bala wai ka por iakhun kam shym la ioh satia ban pynkhih iaka jar.

Kine ki ar kol ka Nangbah kala biang pura iaka ban khur iaka nam jop ba nyngkong jong ka na ka Pool B.

Haka sngi Nyngkong ka jingiakhun kan long hadpeng ka Phramer pyrshah iaka Mookyndur na ka Pool D.