Jop ka Nangbah Mulang haka Invitation Knock Out Football Tournament Wahiajer SC

Syllad | The Rising MeghalayaSeptember 4, 2024

Ka Nangbah Mulang kala khur jingjop pyrshah iaka Diengshynrum haka lympung ialehkai 8th Invitation Knock Out Football Tournament ba la pyniaid da ka Wahiajer Sports Club ha madan Wahiajer Sports Complex.

Haka jingialehkai kaba la long haka 4 tarik Nailur, ka Nangbah Mulang kala pynliem iaka Diengchynrum FC da 4-1.

Iaki kol jong Nangbah Mulang la thep da u Suting Syrti (1, 56) bad u Pynshai Lathong haka minit (47, 78). Katba iaka kol jong ka Diengshynrum la thep da u Bewithus Sympli (36).

Iaka nam Man of the Match la ioh khur da u Suting Syrti jong ka Nangbah Mulang.

Ka jingiakhun kaba bud kan long haka 7 tarik Nailur hapdeng ka Evergreen SC pyrshah iaka Brother United haka por 2:30 baje nohphai sngi.

Kane ka lympung ialehkai kala sdang haka 2 tarik Nailur da ka jingiashim bynta ki 32 tylli ki kynhun ialehkai na kylleng ka Jylla. La plie iaka da u MLA ka Umroi Bah Damanbait Lamare.

Ka lahduh ha kane ka lympung kan ioh khur iaka song pisa kaba 2 lak 30 hajar tyngka, kaba wan ba ar 1 lak 20 hajar tyngka.

Haka sngi sdang ka Jalapang SC kala jop da 2-1 iaka Synroplang FC.