Jop ka Namrhen, Kudengrim Shmiapang bad kiwei baka football ka ASSA

Syllad | The Rising MeghalayaNovember 18, 2024

Ka Namrhen Ryntih, Kudengrim Shmiapang YC, Mukhim Brother’s bad Jaraload SC kila khur jingjop haka jingialehkai Upper bad Lower Division Football Tournament kaba pyniaid da ka Amlarem Sub-divisional Sports Association (ASSA) ha madan Mini Stadium Ladjaplem, Amlarem haka 18 tarik Naiwieng.

Haka jingialehkai jong ka kyrdan Upper Division ka Namrhen Ryntih kala pynliem da 1-0 iaka Psadwar bad kane ka kol kala mih paw haka dur jong ka penalty haka minit ka 51 ba la thep da u Alfreedy Pohlong.

Haka kyrdan Lower Division, ka Shmiapang YC kala pynliem da 2-0 iaka Amsohrhong SC bad ia kine ki kol la thep da u Shlur Manner (12,43).

Ka Mukhim Brother’s kala pynliem iaka War Jaintia Veterans da 3-1. Iaki kol jong ka Mukhim Brother’s la thep da u Shemphang Langsiang (11, 37) bad Panvi Langshiang (32), katba ka shikol jong ka War Jaintia Veterans la thep da u Chorbit Buam (35).

Ha kawei pat ka jingialehkai Jaraload SC kala pynliem iaka Sohkha Shnong da 1-0 bad ia kane ka kol la thep da u ludister Tongper (51).