Jop ka Mutong bad ka Rymbai haka 3rd Div ka EJHDFA

Syllad | The Rising MeghalayaOctober 1, 2024

Ka Mutong YWSC bad Rymbai Sports YWO kila khur jingjop haka jingialehkai 3rd Division Football Tournament kaba pyniaid da ka East Jaintia District Football Association (EJDFA) kaba long ha madan artificial turf Diengshynrum haka 1 tarik Risaw.

Ka Mutong YWSC kala jop da 2-1 iaka Cham Cham SSC. Na kaliang ka Mutong la thep ia kine ki ar kol da u Deimonkiru Dkhar (1) bad u Defence Phawa (55). Shikol ka Cham Cham SSC la tthep da u Wilroes Phawa (48).

Ka Rymbai Sports YWO kala pynliem da 2-1 iaka Lama Youth SSC. Ha kane ka jingialehkai ka Lama kala ioh shuwa ban pynkhih iaka jar lyngba u Hajanmi Rymbai (13). Ka Rymbai kala tan kylla iaka jingiakhun sha kaba iakhaid lyngba ka kol kaba la thep da u Solify Swer(42) bad pyntam kylla haka kylla miet lyngba ka kol kaba la thep u Eme Rymbai (52).