Jop ka Mupliang da 7 wicket iaka Evergreen haka District Cricket League ka WJHDCA

Syllad | The Rising MeghalayaApril 1, 2025

Ka Mupliang SC kala jop da 7 wicket pyrshah iaka Evergreen SC&CC haka jingialehkai kaba ar jong ka District Cricket League kaba pyniaid da ka West Jaintia Hills District Cricket Association (WJHDCA) kaba long ha madan Khliehtyrshi haka 1 tarik Iaiong.

Ka Evergreen SC&CC kaba la jop iaka toss kala kam trai shuwa ban tied bad kala kamai 86 run bad liem baroh 10 wicket naka 22.4 over.

Haba la poi ka pali jong ka Mupliang SC ban beh ia ka thong kala lah ban pyndep tang hapoh 14.5 over bad liem 3 wicket kaba la biang pura iaka ba kan khur iaka namjop da 7 wicket.

U Defender Dhar ka Mupliang ula kylla long u namtam bad khur ia ka khusnam man of the Match hadien ba la khyrwit 4 wicket na ki 5 over.