Jop ka Mukhla Raij da 3-0 Nongkhroh Krem Kum haka Super Division ka TSA

Syllad | The Rising MeghalayaSeptember 3, 2025

Ka MukhlaRaij kala lah ban jop da 3-0 iaka Nongkhroh Krem Kum haka jngialehkai haka kyrdan Super Division kaba pyniaid da ka Thadlaskein Sports Association (TSA) kaba long ha madan Wahiajer Multi Sports Complex haka 2 tarik Nailur.

Ha kane ka jingialehkai ka Mukhla Raij kala tam shakhmat naduh ka kylla step bad haka kylla miet kala pynban ar sa kol. Ia kine ki kol la thep da u Chandame Suna (28’), Player Suna (80’) bad u Banlam Mawlong (87’).

Haba phai sha ka jingialehkai 2^nd Division, ka Tympang SC kala jop da 2-1 kol ïa ka Myngkrem. Kine ki ar kol na kaliang ka Tympang la thep da u Rimiki Phawa (8’) bad u Damehi Lakiang (39’), shikol na kaliang ka Myngkrem la thep da u Dalamsarki Lapasam (19’).

Shuh shuh ha kawei pat ka jingialehkai ka Maya SC kala pynliem da 5-0 kol ïa ka Pdienlum. La thep ia kine ki san kol da Preshan Supuh (24’, 44’), Pormi Pale (47’), Shaimi Phawa (50’) bad u Iaidmi Pale (67’).

Haka 03/09/2025 ka jingïalehkai haka 2nd Division kan long long hapdeng ka United FC Ummulong pyrshah ïa ka Mupliang RC Club haka por 10 baje mynstep, ka Madur pyrshah ïa ka Ryntih Mynsngat haka por 12 baje mynsngi bad haka kyrdan Super Division Wahiajer kan iakhun pyrshah ïa ka Pohskur Phlongingkhaw haka por 3 baje nohphaisngi.