Jop ka Mukhla Raij 5-1 iaka Pohskur Phlongingkhaw haka Super Division ka TSA

Syllad | The Rising MeghalayaAugust 29, 2025

Ka Mukhla Raij kala pynliem da 5-1 iaka Pohskur Phlongingkhaw haka jingialehkai Super Division Football kaba pyniaid da ka Thadlaskein Sports Association (TSA) kaba long ha madan Wahiajer Multi Sports Complex haka 28 Nailar.

Ia kine san kol ka Mukhla Raij la thep da u Welcome Sari (6), Davidson Iawphniaw (20), Chandame Suna (36), Banlam Mawlong (58,67), katba iaka shi kol ka Pohskur Phlongingkhaw la thep da u Maidong Mukhim (10).

Haba phai sha ka jingialehkai 2nd Division, ka Mainroad SC Wahiajer kala pynliem da 4-0 iaka Iawthymblein. Iakine ki saw kol la thep da Steven Gathphoh (35), Ethan Lamare (39), Godwin Pakma (42, 53).

Haka jingialehkai kaba bud, ka Nongdhar Nongthymme kala jop da 3-0 iaka Niriang United. La thep ia kine ki lai kol da u Comfort Shiwat (22), Edris Suting (32) bad Haiobiang Dkhar (66).

Haka 01/09/25 ka jingialehkai 2nd Division, kan long hapdeng ka Mukhla Wahshnong pyrshah iaka Iongshiwiat haka por 10.00 baje mynstep, ka Namdong-A pyrshah iaka Iawpynsin Wahiajer haka por 12.00 baje mynsngi, katba haka Super Division, ka Lumphyrnai Sohphoh kan iakhun pyrshah iaka Nongkhroh Rim haka por 3.00 baje nohphai sngi.