Jop ka Mukhla Raij 2-0 iaka Caroline Colony haka 18 Above Football ka WJDSA, jam ka jingiakhun sha ka quarterfinal

Syllad | The Rising MeghalayaNovember 20, 2021

Ka Mukhla Raij SC kala jop da 2-0 kol pyrshah iaka Caroline Colony haka lympung ialehkai 18 Above football League Knockout Tournament kaba pyniaid ka West Jaintia District Sports Association (WJDSA) kaba long ha Kiang Nangbah Stadium haka sngi Saitjain.

Ka Mukhla Raij kala ioh thep ia kitei ki 2 kol haka kylla miet lyngba u Deibormi Shylla haka minit kaba 62 bad 72.

Baroh kine ki kynhun kila rung sha ka quarterfinal ha kane ka lympung ka ban sdang naduh 23 haduh 26 tarik une u bnai.

Ka jingiakhun quarterfinal kaba nyngkong kanlong hapdeng ka 7 Wasa Utd pyrshah iaka Panaliar SC.

Kaba ar kan long Luti Tuber Ialong pyrshah iaka Kseh Sylle Ialong. Kaba lai hapdeng ka Pasyih Cultural pyrshah iaka Caroline Colony.

Ka jingiakhun kaba khatduh kanlong hapdeng ka Mukhla Raij pyrshah NewHill SC.