Jop ka Mukhim Bro’s, Lumkyntar SC bad Amsohtai SC haka Lower Div ka ASSA

Syllad | The Rising MeghalayaNovember 12, 2024

Ka Mukhim Bro’s, Lumkyntar SC bad Amsohtai SC kila khur jingjop haka Lower Division, katba ka YFC Trangblang kala khur jingjop haka Upper Division Football Tournament kaba pyniaid da ka Amlarem Sub Divisional Sports Association (ASSA).

Ia kine ki artylli ki jingialehkai la pynlong ha madan Mini Stadium Ladjaplem, Amlarem haka 11 tarik Naiwieng.

Haka jingialehkai jong ka kyrdan Lower Division ka Mukhim Bro’s kala pynliem iaka Ladjaplem SC da 1-0. Ia kane ka kol la thep da u Arjun Manner 27.

Haka jingialehkai kaba bud, ka Lumkyntar SC kala pynliem da 1-0 iaka Amlanai SC bad ia kane ka kol la thep da u Wankyrpang Sumer 48. Katba Amsohtai SC pat kala pynliem da 1-0 iaka Kharkana SC. ia kane ka kol la thep da u Brightstar Tariang 48.

Haka jingialehkai jong ka kyrdan Upper Division ka YFC Trangblang kala pynliem da 1-0 iaka Padu SCC bad ia kane ka kol la thep da u Seibor Siangshai haka minit kaba 10.