Jop ka Mukhaialong bad ka Shilliang Umshong haka First Div ka EJHDFA

Syllad | The Rising MeghalayaSeptember 28, 2023

Ka Mukhaialong SC bad Shilliang Umshong SC ki la khur jingjop haka lympung ialehkai First Division Football Tournament kaba pyniaid da ka East Jaintia Hills District Football Association (EJHDFA) kaba long ha madan Diengshynrum haka sngi Palei.

Ka Mukhaialong SC ka la pynliem da 2-1 iaka Ladrymbai BSC. Kawei ka kol ka Mukhaialong kala mih paw haka dur jong ka own goal kaba la thep da u Samkut Shylla 31′ bad shikol da u Bino Phawa 38′. Shikol ka Ladrymbai la thep da u Kiarmi suiam 4′.

Ka Shilliang Umshong SC ka la jop da 1-0 iaka Tpepswer SSWO. Ia kane ka shikol ka Shilliang Umshong kala thep da ka penalty kaba la shut da u Perforce Ksih 72′