Jop ka Mowkyndeng Maitchaphrang Thadmuthlong haka Third Div ka WJDSA

Syllad | The Rising MeghalayaApril 20, 2022

Ka Madankynsaw Mowkyndeng, Maitchaphrang Mowtyrshiah bad ka Madan Thadmuthlong kila khur jingjop haka Third Division Football- 2nd Adelbert Laloo Memorial Trophy” kaba pyniaid ka West Jaintia District Sports Association (WJDSA) kaba long ha Kiang Nangbah Stadium haka sngi Balang.

Haba phai sha ka jingïakhun kaba la long mynta ka sngi ka Madankynsaw Mookyndeng ka la pynliem ïaka Mookaswan Dongwah da 2-1 kol. Ïaki kol jong ka Madankynsaw Mookyndeng la thep da u Ferdinand Sayoo haka minit kaba 17 bad u Riolanroy Suchiang haka minit kaba 61. Iaka shikol jong ka Mookaswan Dongwah la thep da u Jeremaiah Biam haka minit kaba 14.

Haka jingïakhun ka Maitchaphrang Mowtyrchiah kala pynliem ïaka Samaro da 3-0 kol bad ïa kine ki kol la thep da u Sambor Tang haka minit kaba 50, u Batskhem Dkhar haka minit kaba 61 bad u Hun Chadap haka minit kaba 72.

Ka jingïakhun kaba khatduh ka Madan Thadmuthlong ka la pynliem kput ïaka Lumpyrdi Ïongpiah da 5-1 kol. Ïaki kol jong ka Madan Thadmuthlong la thep da u Precious Tang haka minit kaba 13 bad 14, u Manhok Suchiang haka minit kaba 66 bad 67 bad u Sooki Papiah haka minit kaba 74. Shikol jong ka Lumpyrdi Ïongpiah la thep da u Rimiki Nongrum haka minit kaba 47.