Jop ka Mowkaiaw da 14 run iaka Evergreen haka District Cricket League ka WJHDCA

Syllad | The Rising MeghalayaMay 2, 2025

Ka Mowkaiaw CYC kala jop da 14 run pyrshah Evergreen Mukhla Mission haka jingialehkai District Cricket League kaba pyniaid da ka West Jaintia Hills District Cricket Association (WJHDCA) kaba long ha madan Khliehtyrshi haka 2 tarik Jymmang.

Haba tied shuwa ka Mowkaiaw kala kamai 105/10 naka 24.4 over. U Kitboklang Lyngdoh ula kamai 37 run bad u Bundaki Lathong 13 run. Napdeng ki nongkawang ball ka Evergreen u Kamkini Sari bad u Shoristar Suna kila ioh khur mar 3 wicket.

Haba poi ka pali ka Evergreen ban tied, la hap ban pynkylla noh iaka thong namar ba pynthud u slap haka dur jong ka DLS. Ka thong kaba ka Evergreen ka hap ban beh kalong 61 run na ka 18 over.

Ka Evergreen naduh ba sdang kam shym la ioh satia iaka nongrim kamai run ba paka naduh ba sdang bad khyllem baroh 10 wicket haka 17.4 over bad kamai tang 47 run. Tang u  Conard Sana marwei ula kamai 19 run bad um shym ka ioh iaka jingkyrshan na kiwei pat ki nongtied.

U Sandabiang Lathong ula ioh khur 4 wicket na ki 2.4 over kaba la biang pura ia u ban ioh iaka khusnam Man of the Match. U Sanvert B Kurkalang ula pynliem 3 wicket.

Ka jingialehkai haka 3 tarik kan long hapdeng ka Young Lad’s CC  pyrshah iaka Ummulong SC haka por 8.30 mynstep.