Jop ka Mowkaiaw CYC ia ka Moodymmai SC da 36 run haka District Cricket League ka WJHDCA

Syllad | The Rising MeghalayaMay 13, 2025

Ka Mowkaiaw CYC kala jop da 36 run pyrshah Moodymmai SC haka jingialehkai District Cricket League kaba pyniaid da ka West Jaintia Hills District Cricket Association (WJHDCA), kaba long ha madan Khliehtyrshi haka 12 Jymmang.

Wat la ka Mowkaiaw kala jop kan hap ban ap iaka result kaba mih na ka jingialehkai hapdeng ka Phramer CC pyrshah iaka Young Lad’s ka ban long haka 13 tarik ban pynthikna mano ban buh jaka haka semi final.

Na ka pool A, ka West Jaintia Police bad ka Mupliang kila buh jaka ialade haka semifinal, katba ka Ummulong CC kala rung semi na ka pool B.

Haba phai sha ka jingialehkai, ka Mowkaiaw kaba tied shuwa kala kamai 88/5 na ka 10 over. U Sanvert B Kurkalang ula kamai 33 run, bad u Ardakirang Rymbai uba mih hadien ba la khyllem u Sanvert ula kamai 29 run (not out). U Pyndap Lamin u la ioh khur 2 wicket na ki 2 over na ki nongkawang ball ka Moodymmai.

Ka Moodymmai SC haba beh iaka thong kaba 89, kala pynkut iaka jingiakhun da 52/2. U Levestar Phawa, captain ka kynhun ula synniang 24 run.

Na ki nongkawang ball ka Mowkaiaw u Kitboklang Lyngdoh bad u Sandabiang Lathong, ki khur mar shi wicket na ki 2 over. Katba u Sanvert B Kurkalang uba kylla long u shot shan ka Mowkaiaw haka jingkamai run ula khur iaka nam man of the match.