Jop ka Moosiang Lamare Old, iakhaid ka Lakadong Umlatdoh bad ka Rymbai Pohskur haka 2nd Div Football ka EJHDFA

Syllad | The Rising MeghalayaSeptember 12, 2024

Ka Moosianglamare Old SC kala jop da 1-0 pyrshah iaka Khliehmyntriang, katba ka Lakadong Umlatdoh kala iakhaid da 1-1 pyrshah iaka Rymbai Pohskur haka jingialehkai 2nd Division Football Tournament kaba pyniaid da ka East Jaintia Hills District Football Association (EJHDFA) kaba long ha madan artificial turf ha Diengshynrum haka 12 tarik Nailur.

Haba phai sha ka jingialehkai ka Lakadong Umlatdoh pyrshah iaka Rymbai Pohskur ka jingiakhun kala long kaba iakhaid ha kaba kut ka kylla step ym don mano mano ba ioh pynkhih jar.

Dei haba bteng iaka jingiakhun haka kylla miet, ka Lakadong Umlatdoh kala iohshuwa ban thep kol lyngba u Daohipaia Rymbai (66. Kane ka jingioh thep kol ka Lakadong Umlatdoh, kala pynlong iaka Rymbai Pohskur ban banbor iaka kut ialehkai Lakadong haduh ban kan da ioh iaka kabu ksiar ban pynphai kylla lyngba u Hermon Dkhar (78) bad tan iaka jingiakhun sha kaba iakhaid.

Haba phai sha ka namjop ka SWO Musiang Lamare Old pyrshah iaka Khliehmyntriang kala wan haka kylla miet. Ia kane ka shikol la thep da u Premi Muksor (55) bad kala neh haduh ba kut ka por ialehkai.