Jop ka Moosiang Lamare Old bad New haka quarter final Third Div EJHDFA

Syllad | The Rising MeghalayaSeptember 14, 2023

Ka Moosianglamare Old bad ka Moosianglamare New kila lah ha kaban pynthikna ban buh jaka ialade haka kyrdan semifinal hadien ba kila khur jingjop haka Third Division Football kaba pyniaid da ka East Jaintia Hills District Football Association (EJHDFA).

Kane kala wan hadien ba kine ki ar tylli ki kynhun kila jop haka jingialehkai quarter final kaba long ha madan artificial turf ha Diengshynrum ha ka sngi Palei. Ka Moosiang Lamare Old kala pynliem da 2-1 iaka Tuber Shohshrieh bad ka Moosiang Lamare New kala jop da ka tie breaker da 5-4 iaka Lakadong Ummat.

Da kane ka namjop bad jam ruh sha ka seimfinal, kine ki ar kynhun ha ka aiom ialehkai ka ban wan kin mih madan ban ialehkai haka kyrdan Second Division ka EJHDFA.

Ia ki kol ka Moosiang Lamare Old la thep da u Meshwa Lapasam marwei 61’ & 76’.

Katba haka jingialehkai ka Moosiang Lamare New haka por kaba la buh pyrshah iaka Lakadong Ummulong ka jingiakhun kala kut da kaba iakhaid da 1-1. Ka kol ka Moosiang Lamare New la thep da u Firsterjoy Pariat 26’, katba iaka Lakadong Ummat kaba wan nadien ban tan iaka jingiakhun sha kaba iakhaid la thep da u Edifirst Chadong 71’ kaba mih paw haka dur jong ka penalty.